美食 飲品 點心

【懶瞓鬼必備行程】元朗 美食半日遊 包辦你午餐晚餐飲品

元朗美食半天遊!

元朗屯門天水圍,直到現在,依然有人覺得這個地區乜都冇,次次入元朗要差唔多兩個鐘頭,到今時今日都仲有人問「當地」係咪有 7-11 呀,有冇爭鮮!但其實入到元朗又點可以淨係食爭鮮呢,入到香港大西北,其實就同去旅行冇咩分別,一定要好好咁做一次遊客!

 

元朗 美食

元朗 燒賣皇后

呢間燒賣店係元朗已經超過30年,全部燒賣都自家製,真材實料,餡料有新鮮豬肉、冬菇及鯪魚肉等等,粒粒燒賣都好大粒,小編最鐘意嘅就係豬肉燒賣,真係唔係個個地方有得食,有香有大粒,講特別呢,就一定要試下嘅一定係燒燒賣,外皮燒得好香脆,加少少辣粉、椒鹽,勁香口!味道方面,醬汁亦都加好多分,辣中帶香,收工行過都要去買返串食!喺條街到完全地感受緊身為香港人食緊最出名嘅街頭小食,勁有旅行FEEL!

 元朗 美食

春風撞奶鋪

至於食完個燒賣隔離仲有串燒,元朗鬼巴士等等店舖,食完小食又點可以唔叫一杯台式飲品呢。每次出尼掃街,台式飲品就係完美嘅搭配,由其最近天氣越黎越熱,台式飲品又開到成行成市,小編今次就要推介元朗嘅一間春風撞奶舖,佢地主打的黑糖青蛙撞奶,唔係真的用一隻隻青蛙去撞奶,而是珍珠撞奶嘅意思。台灣早期係用地瓜粉做珍珠,而且當時機器冇咁先進,所以都是用太陽曬乾,「地瓜粉做出來的珍珠,色澤較亮,好似青蛙生蛋一樣,所以就有了青蛙撞奶的名稱。」大力啜一啖,一粒粒「青蛙」伴隨黑糖鮮奶滑入口中,珍珠因為是鮮製,所以口感比平日食到嘅更煙韌彈牙,黑糖味道濃郁,不會過甜,跟鮮奶互相配搭得啱啱好。

 

元朗 美食 元朗 美食

東哥籠仔蒸飯專門店

東哥蝦餃皇:出自大師之手炮製的蝦餃外皮晶瑩剔透,若隱若現地透出粉嫩色的蝦肉,爽口彈牙,口感一流。

蟹籽燒賣皇:鮮甜味美的大蝦配上優質豬肉而製成的燒賣皇,肉碎帶有嚼勁,味道極佳,加上粒粒渾圓的蟹籽,令人垂涎欲滴。

流野流沙包:遠近弛名的流沙包,外軟內滑,餡料份量十分,令人倍感滋味。蒜香海蝦飯:米飯吸收了原隻海蝦的精華,加上蒜粒和香蔥粒後味道更香濃,米飯更鬆軟美味,簡直是極品級的享受。

籠仔鳳爪排骨飯:白飯吸收排骨的精華,鳳爪十分有嚼勁,加入豆豉和甜醬汁品嚐後,口內充斥著香濃的肉汁,一試愛上。

叫哂上面咁多野,兩個人食埋單都唔洗$70一個人,真係又平又抵又好食呀!!!!

 

免費訂閱 Foodie 美食速遙遞

loginEmail:
password:
電郵地址:
subscription:
optInType:
我同意訂閱Foodie 美食推介及其 私隱聲明
CLOSE
CLOSE