烘焙 甜品 美食

【打卡必食!】5款少女系可愛蛋糕 – 空運日本水果 梗有一款啱哂你口味

arome東海堂「彩る真夏」蛋糕系列

夏天,晴空白雲,海天接縫間滲透著完熟果物的甜蜜氣息,令人心情雀躍。今夏,arome東海堂特別呈獻全新夏日限定的「彩る真夏」系列,為大家送上果香滿溢的色彩真夏,迎接最繽紛的夏日派對!「彩る真夏」系列嚴選多款時令香甜的果物入饌,包括以日本山形縣洋梨所製成的「日本・洋梨cake little」、採用優質沖繩菠蘿的「沖繩・菠蘿cake little」、滿滿甘香清甜荔枝果肉的戀夏・荔枝cake little」及蘊藏爽脆新鮮西瓜果肉的「盛夏・西瓜」「盛夏・西瓜cake little」。味道既清甜水嫩,果物造型精緻可愛,必能為你一掃酷熱悶氣,展開一個不一樣的果物物語!就等小編為你嚴選最可愛最好食嘅5款蛋糕啦!

1. 「日本・洋梨cake little」

日本洋梨慕絲蛋糕

Yamagata Pear Mousse Cake Little

arome東海堂日本洋梨慕絲蛋糕cake little

以日本山形縣直送的洋梨打造,淡淡幽香的洋梨慕絲舖滿整個蛋糕。夾層蘊藏著洋梨的香甜果肉及清爽怡人的洋梨果凍,絕對是今個夏季的清新之選!

小編試後感:「D啫喱同個蛋糕一咬落去勁match,梨味又勁清甜唔會太膩,又估唔到佢幾好食!最主要係佢真係成個梨咁整出黎,超可愛!」

2.「沖繩・菠蘿cake little」

沖繩菠蘿忌廉蛋糕

Okinawa Pineapple Cream Cake Little

arome東海堂沖繩菠蘿cake little

以日本山形縣直送的洋梨打造,淡淡幽香的洋梨慕絲舖滿整個蛋糕。夾層蘊藏著洋梨的香甜果肉及清爽怡人的洋梨果凍,絕對是今個夏季的清新之選!

小編試後感:「菠蘿味呢一直都覺得係水果入面最香最正,呢一個沖繩菠蘿蛋糕,菠蘿慕絲,菠蘿啫喱,仲要加埋菠蘿果醬,3重口感衝激勁正!最重要係個蛋糕真係勁 cute,可以瘋狂影相haha!」

3.「戀夏・荔枝cake little」

荔枝紅桑子慕絲蛋糕

Lychee Raspberry Mousse Cake Little

arome東海堂荔枝紅桑子慕絲蛋糕

以晶瑩剔透的荔枝果凍打造出的外層,蘊藏著清甜芳香的荔枝果肉。夾層是幼滑細膩的荔枝紅桑子慕絲和白朱古力杏仁脆,並加入了日本沖繩的海鹽荔枝水,讓每一口都縈繞着濃濃荔枝獨有的清香。

小編試後感:「荔枝真係其實知佢燥熱,但就係會忍唔住想食完一粒又一粒,荔枝味啫喱真係我嘅all time favourite!仲要有埋真果肉係入面,次次食到野見到有真食材都覺得好抵!」

 

4.「盛夏・西瓜cake little」

西瓜雲呢拿方形慕絲蛋糕

Watermelon Vanilla Mousse Cake Little

arome東海堂西瓜雲呢拿方形慕絲蛋糕

面層鋪上西瓜果凍和朱古力脆珠的方形西瓜蛋糕,內層夾著爽脆的新鮮西瓜果肉,配搭輕柔軟滑的雲呢嗱慕絲和綿密的海綿蛋糕,加上底層的白朱古力杏仁脆,為盛夏帶來一股冰涼透心的西瓜氣息。

小編試後感:「夏日熱辣辣最啱係食西瓜解暑,食西瓜吐核又勁麻煩,呢個蛋糕用朱古力扮核,可以一啖食哂落肚,勁方便又好食!」

5.「盛夏・西瓜」

西瓜雲呢拿圓形慕絲蛋糕︳約1磅

Watermelon Vanilla Mousse Cake

arome東海堂盛夏西瓜

西瓜由綿密的海綿蛋糕包裹著輕柔軟滑的雲呢嗱慕絲和清甜新鮮的西瓜果肉,層次分明,配上面層的西瓜果凍,締造出不同的食感享受。

小編試後感:「西瓜果肉再搭雲呢嗱慕絲,層次分明,一次過有幾種享受,呢個蛋糕仲要係特別增量,一班人開 party 嘅時候就最啱買呢種大件夾抵食,仲要好食嘅蛋糕,人人有份食唔洗爭崩頭!」

*******************************************************************************

精緻可愛的造型,晶瑩剔透的果凍,幼滑細膩的慕絲,每一個蛋糕都完美地併奏出豐富滋味,超級適合一班女仔朋友出黎 gathering,或者幫好姐妹慶祝生日嘅時候夾份買一個 share 到嘅清甜新鮮水果蛋糕, fresh 得黎又唔會膩,最啱女仔心意!

 

免費訂閱 Foodie 美食速遙遞

loginEmail:
password:
電郵地址:
subscription:
optInType:
我同意訂閱Foodie 美食推介及其 私隱聲明
CLOSE
CLOSE